Siglir tar il cuntegn

Header

cuntegn

Campiunadi mundial freestyle Bunas schanzas per il 2025 en Engiadin’Ota

Suenter las sancziuns dal Comité olimpic internaziunal (IOC) encunter la Russia pervia dal scandal da doping – ha la FIS retratg la candidatura per il campiunadi mundial dal 2025 al pajais. In recurs da l’uniun russa tar il Tribunal internaziunal da sport ha quel refusa.

San Murezzan en la pole position

Perquai pon destinaziuns interessadas puspè inoltrar ina candidatura per il campiunadi mundial da freestyle da l’onn 2025. San Murezzan, ch'aveva gia inoltrà ina candidatura dal 2018 – è anc adina interessà e pront per candidar.

Sco Daniel Schaltegger, il manader da project «Candidatura Freestyle 2025» ha declerà a la conferenza da presidents da la Regiun Malögia – saja il dossier pront e la finanziaziun sclerida. Numnadamain sustegnan tranter auter las vischnancas da l’Engiadin’Ota il project dal campiunadi mundial da freestyle cun total 4 milliuns francs. Vinavant na sajan fin uss betg enconuschentas autras candidaturas.

Decisiun en paucs mais

Il dossier per la candidatura po vegnir inoltrà fin il mars. Ina decisiun da la FIS davart il lieu d’occurrenza dal campiunadi mundial da freestyle il 2025 duai vegnir tratga il matg da quest onn.

audio
Per tadlar curt e cumpact
01:12 min, RTR Audio dals 28.01.2021.
laschar ir. Durada: 01:12 minutas.

RTR novitads 17:00

Artitgels legids il pli savens

Scrollar a sanestra Scrollar a dretga