Suenter ch'igl è vegnì decidì da Pasca che Swiss Ski dastga organisar il 2025 en la destinaziun Engiadin'Ota/San Murezzan il campiunadi mundial da ski freestyle e snowboard han ins uss er fundà ina societad purtadra. Quella sa cumpona da 10 persunas da la regiun e da Swiss-Ski.
Sigi Asprion è en funcziun sco president ed il CEO da Swiss-Ski Bernhard Aregger sco vice-president. La societad fixescha sezza ina direcziun ed in comité d'organisaziun che duai planisar ils campiunadis mundials ed organisar tut ils events da test.
