La sala è stada plaina a la ceremonia da commemoraziun en onur da l'abitant Carl Adolf Häberli, en l'hotel «Reine Victoria» a San Murezzan. Accumpagnada è la ceremonia vegnida da musica e pleds festivs.
El era pedant ed ha grittentà l’administraziun communala – ma jau hai adina gì in bun contact e respectà el.
Sco giuven banchier ha Häberli lavurà a Paris e Genevra. Pli tard è el lura turnà en sia patria a San Murezzan. Là ha el vivì ina vita plitost solitaria, tranter quatter paraids en la villa «Heb di Fescht» – ina chasa decadenta: nagina tecnica, tranter 15 e 16 grads, sulettamain ina maschina da scriver sin maisa e massas da gasettas e documentaziuns derasadas en tut la chasa.
L'original da San Murezzan
-
Bild 1 von 4. Carl Adolf Häberli. Ina fotografia sco algordanza da l'abitant Adolf Häberli, mort ils 15 da november 2025. Bildquelle: RTR.
-
Bild 2 von 4. Ceremonia da commemoraziun. La ceremonia ha gì lieu en l'hotel Reine Victoria a San Murezzan. Bildquelle: RTR.
-
Bild 3 von 4. Purtrets regordan ad Adolf Häberli. Flurs e purtrets en regurdanza d'in um tuttafatg spezial. Bildquelle: RTR.
-
Bild 4 von 4. Adolf Häberli durant ina scena da film. Davart l'orignial da San Murezzan è vegnì creà in film. Bildquelle: RTR.
Ina glista multifara descriva quest «original» cun chavels en crusch e travers ed ina barba lunga grischa: «Scheni, excentricer, idealist, filosof, botanicher, chantadur, umorist – in unicat en tut ils reguards».
A mintga radunanza communala
Adolf Häberli aveva grond interess per la politica – ed è adina stà preschent a mintga radunanza communala.
Sut varia aveva Adolf Häberli adina il davos pled.
Ils 15 da november 2025 è Adolf Häberli mort en la vegliadetgna da 91 onns. Amis ed enconuschentas èn tuts sa rimnadas per prender cumià da «l'original» da San Murezzan.