A San Murezzan datti be ina radunanza communala l’onn. Quai pervi che la constituziun communala prescriva, ch’il parlament ha la cumpetenza da decider d’imports fin dus milliuns francs senza approvaziun da la populaziun. Tut ils imports che van surora, vegnan decis a l’urna. Unicamain il budget vegn approvà da la radunanza communala il december. Per la populaziun è quai l’unica pussaivladad da s’exprimer davart dumondas e quitads en vischnanca. Quai è per Reto Matossi, vicepresident communal, ina buna rauba.
A mai para, che la populaziun ha uschia la pussaivladad, almain ina giada l’onn, da pudair far dumondas e discutar en il plenum. Quai è grondius.
Impressiuns
-
Bild 1 von 9. Reto Matossi, vicepresident da San Murezzan. Bildquelle: RTR.
-
Bild 2 von 9. Tut è pront per l'unica radunanza communala da San Murezzan 2025. Bildquelle: RTR.
-
Bild 3 von 9. Ils votants e las votantas guardan sin las cifras per l'onn 2026. Bildquelle: RTR.
-
Bild 4 von 9. L'hotel Suvretta a San Murezzan. Bildquelle: RTR.
-
Bild 5 von 9. Spetgar en il foyer da l'hotel Suvretta. Bildquelle: RTR.
-
Bild 6 von 9. Bildquelle: RTR.
-
Bild 7 von 9. La populaziun decida davart il budget ed ha approvà quel. Bildquelle: RTR.
-
Bild 8 von 9. Suenter hai dà in apero ritg. Bildquelle: RTR.
-
Bild 9 von 9. La generaziun pli giuvna è er stada da la partida. Bildquelle: RTR.
Gia il viadi en il lieu da l'occurrenza vegn purschì, ed in bus porta la glieud a la radunanza. Quella è en ils ultims onns adina en lieus plitost exclusivs. Vi da quai sa regorda Maible Rogantini: «Nus avain era gia gì radunanzas en ils auters hotels da tschintg stailas sco il Carlton u il Palace. La vischnanca fa oramai adina insatge exclusiv.»
Tenor il votant Adi Urfer è stà il lieu exclusiv in dals motivs che circa 320 persunas èn sa radunadas en la sala dal hotel da tschintg stailas. U forsa è er l’aperitiv ritg suenter la radunanza stà in bun motiv, suppona Peter Nägeli da San Murezzan.
La radunanza communala ha approvà il budget 2026 che prevesa sper investiziuns da circa 89 milliuns francs, in gudogn da radund 170’000 francs.