Siglir tar il cuntegn

Header

Ospital Engiadin'Ota a Samedan.
Legenda: RTR, David Spinnler
cuntegn

Center da test Ospital Engiadin'Ota daventa center uffizial

Il center da test en l'Ospital Engiadin'Ota a Samedan è vegnì declerà sco center da test da corona uffizial per il Grischun dal sid. Ils process e l'infrastructura necessaria existia gia dapi che la pandemia saja rutta or.

La fin d'october haja l'uffizi chantunal da sanadad dà l'incumbensa a l'ospital, sco la Fundaziun per il provediment da la sanadad Engiadin'Ota communitgescha. En funcziun è il center da tests a Samedan gia dapi la primavaira. Per laschar far in test èsi obligatoric da s'annunziar avant.

Annunzia online

Per pudair far in test da corona en il center da test èsi necessari da s'annunziar ordavant. Lura survegnan ins in termin.

S'annunziar pon ins online, il link avra en ina nova fanestra

tar dumondas pon ins telefonar al numer: +41 81 851 81 11

En cas d'in test negativ survegnan ins lura in SMS, sch'il test avess dad esser positiv survegn ins in telefon. Normalmain arriva il resultat entaifer 24 fin 48 uras. Schiprest ch'i dettia tests sperts che sajan fidaivels, veglian ins er far diever da quels.

Per il Grischun dal Nord è l'Ospital chantunal a Cuira il center da tests uffizial.

RTR novitads 12:00

Artitgels legids il pli savens

Scrollar a sanestra Scrollar a dretga