La stad è rivada e cun las temperaturas chaudas era il temp dals festivals in Grischun. Il venderdi èsi era en Engiadina uschè lunsch – la versiun rumantscha da l’opera Uorsin ha sia premiera sin la plazza da scola a Zuoz.
L’istorgia da l'Uorsin dal 1945 è in raquint enconuschent sin tut il mund e tut las generaziuns. L’intendant Claudio Danuser represchenta ussa l’istorgia da l'Uorsin e da Flurina sco ina opera da famiglia. 15 uffants da la regiun, 3 solists professiunals e musicists da la Camerata Puntraschigna en da la partida.
Da stad in visita in Engiadina – Flurina & Uorsin
-
Bild 1 von 8. Claudio Danuser, intendant . Claudio Danuser ha realisà l'opera da famiglia Uorsin. Bildquelle: RTR.
-
Bild 2 von 8. L'Uorsin. Jöri Würms da Puntraschigna è l'Uorsin puter. Bildquelle: RTR.
-
Bild 3 von 8. Flurina. Luisa Würms da Puntraschigna gioga la rolla da Flurina. Bildquelle: RTR.
-
Bild 4 von 8. Uffants da la regiun. Il Chalandamarz vegn festivà da matta e mats. Bildquelle: RTR.
-
Bild 5 von 8. L'Uorsin. L'Uorsin vallader vegn giugà dad Ambra Fanchi da Scuol. Bildquelle: RTR.
-
Bild 6 von 8. Solists professiunals . L'istorgia dal Uorsin è enconuschenta quasi sin tut il mund. Bildquelle: RTR.
-
Bild 7 von 8. Barba Gian. L'enconuschenta scena cun barba Gian e la brunsina. Bildquelle: RTR.
-
Bild 8 von 8. Flurina ed Uorsin. Il duo vallader cun Chiara Staub ed Ambra Fanchi. Bildquelle: RTR.
La premiera da l’opera è ils 13-7-2025 a Zuoz e va lura sin turnea tras l’Engiadina e la Bergiaglia. Cun l’opera da famiglia cun il titel Uorsin pon las visitadras ed ils visitaders sfundrar en il mund e la magia da l’istorgia da l'Uorsin.
La musica ed il chant èn ina sfida. Las bleras dissonanzas eran novas per ils uffants, els han stuì gughegiar da chantar quests tuns spezials ed avair il curaschi da star sin il palc.
Per l’intendant Claudio Danuser era important che las rollas principalas vegnian giugadas dad uffants da la regiun che san rumantsch. Da chattar giuvnas e giuvens che discurran rumantsch, ch'aman il chant ed il star sin il palc, quai era per el ina vaira sfida. La soluziun è per el dentant perfetga – las rollas da l'Uorsin e da Flurina en occupadas dubel. I dat ina versiun putera ed ina versiun valladra.
L’opera da l'Uorsin è vegnida scritta l’onn 2019 da Marius Felix Lange per tudestg. El ha cumbinà trais istorgias da Selina Chönz ed Alois Carigiet.
Or da l'archiv