Per la 44avla ediziun dal pli vegl open air dal Grischun a Chapella en l’Engiadin’Ota, han ins pudì tadlar la band indigena «Cervoholics». Quai suenter 9 onns ch’els na han betg fatg concerts. Dapi bunamain 30 onns èn ils commembers vi da far musica.
Vul dir: Martin Clalüna sco ghitarrist e Christian Moggi sco battarist èn da la partida d'emprim ennà. Sur 20 onns è er il bassist Rico Puorger vi da far musica en la band.
Igl è grev da far musica senza in chantadur. Però avain nus tuttina fatg ensemen musica. Per nus è quai ina passiun.
Ma dapi in onn e mez han ils Cervoholics chattà in chantadur: Gilbert Reber. E uss è stad ed il temp è qua da sa mussar sin in palc.
Tuttina star sin il palc
Il motto dal Chapella Open Air da quest onn è stà «Zäme im Engadin». E sco Larissa Wingeyer dal comité d’organisaziun ha ditg saja la finamira da puspè attrair la glieud da l’Engiadina per vegnir a Chapella dasper S-chanf.
Tenor ella èn ils visitaders e las visitadras vegnidas ils ultims onns adina pli pauc. Perquai hajan ins quest onn cumpartì gratuitamain entradas per l’open air. E per far vegnir dapli glieud indigena a Chapella sajan ils Cervoholics sco band indigena era perfetgs. E quels han pudì dar il concert il venderdi saira.
Impressiuns dal Chapella Open Air
-
Bild 1 von 9. Bildquelle: RTR.
-
Bild 2 von 9. Bildquelle: RTR.
-
Bild 3 von 9. Bildquelle: RTR.
-
Bild 4 von 9. Bildquelle: RTR.
-
Bild 5 von 9. Bildquelle: RTR.
-
Bild 6 von 9. Ils Cervoholics durant il comeback. Bildquelle: RTR.
-
Bild 7 von 9. Bildquelle: RTR.
-
Bild 8 von 9. Bildquelle: RTR.
-
Bild 9 von 9. Bildquelle: RTR.