La chasa da Carl Adolf Häberli barmier a San Murezzan duai vegnir transfurmada. Quai segund il giavisch dal trapassà che ha creà curt avant sia mort per quest intent la fundaziun «Haus zur Flora». Ils cussegliers e la cussegliera da fundaziun èn l’advocat, il medi da chasa e la reverenda dal defunct – numnadamain Christian Rohner, Peter Hasler e Marie Ursula Kind da San Murezzan.
Segund il cussegl da fundaziun sto la chasa vegnir renovada da fund ensi u perfin vegnir construida da nov. Anc quest’emna ha il cussegl da fundaziun ina sesida per sclerir ils prims detagls. Per fixar quantas abitaziuns ch'i duai dar e cura che tut vegn ad esser pront èsi segund il cussegl da fundaziun anc memia baud.
Cumià da l'original da San Murezzan il cumenzament da l'onn
La sala en l'hotel «Reine Victoria» a San Murezzan è stada plaina a la ceremonia da commemoraziun per onur da l'abitant Carl Adolf Häberli. Accumpagnada è la ceremonia vegnida da musica e pleds festivs.
El era pedant ed ha grittentà l’administraziun communala. Ma jau hai adina gì in bun contact cun el e respectà el.
Sco giuven banchier ha Häberli lavurà a Paris e Genevra. Pli tard è el lura turnà en sia patria a San Murezzan. Là ha el vivì ina vita plitost solitaria tranter quatter paraids en la villa «Heb di Fescht» – ina chasa vegliandra: nagina tecnica, tranter 15 e 16 grads en chasa, sulettamain ina maschina da scriver sin maisa e massas da gasettas e documentaziuns derasadas en l'entira chasa.
L'original da San Murezzan
-
Bild 1 von 5. La sculptura da lain realisada da Nora Engels. Nora Engels, la dunna a dretga, ha realisà quella sculptura. Bildquelle: RTR.
-
Bild 2 von 5. Carl Adolf Häberli. Ina fotografia sco regurdientscha da l'abitant Adolf Häberli, mort ils 15 da november 2025. Bildquelle: RTR / Foto originala: Mayk Wendt.
-
Bild 3 von 5. Ceremonia da commemoraziun. La ceremonia ha gì lieu en l'hotel Reine Victoria a San Murezzan. Bildquelle: RTR.
-
Bild 4 von 5. Purtrets regordan ad Adolf Häberli. Flurs e purtrets en regurdientscha d'in um tut spezial. Bildquelle: RTR / Foto originala: Mayk Wendt.
-
Bild 5 von 5. Adolf Häberli durant ina scena da film. Davart l'orignial da San Murezzan è vegnì creà in film. Bildquelle: RTR.
Ina glista multifara descriva quest «original» cun chavels en crusch e travers ed ina barba lunga grischa: «Scheni, excentricher, idealist, filosof, botanicher, chantadur, umorist – in unicat en tut ils reguards».
A mintga radunanza communala
Adolf Häberli aveva grond interess per la politica – ed è stà preschent a mintga radunanza communala.
Sut varia aveva Adolf Häberli adina il davos pled.
Ils 15 da november 2025 è Adolf Häberli mort en la vegliadetgna da 91 onns. Amis ed enconuschentas èn sa rimnadas per prender cumià da «l'original» da San Murezzan.