Avant 20 onns ha la vischnanca da Fuldera, quella giada anc betg fusiunada, stuì decider co vinavant cun la chasa da scola dal vitg. Quella era cun fusiunar las scolas vegnida libra. Aldo Rodigari era da quest temp president communal. La vischnanca aveva decis da dar a fit las localitads als dus iniziants Günther Baldauf e Christiane Stemmer. Oz n’èn quels betg pli activs, ma la filosofia ha survivì.
Ina oasa culturala da gronda valur
Or d'ina decisiun politica tratga avant 20 onns è restà il chastè da cultura – in lieu d'inscunter musical e cultural fitg apprezià da la populaziun da la Val Müstair.
-
Bild 1 von 5. Durant la festa da giubileum. Bildquelle: RTR.
-
Bild 2 von 5. Bildquelle: RTR.
-
Bild 3 von 5. Aldo Rodigari, dapi 18 onns president dal Chastè da cultura Fuldera. Bildquelle: RTR.
-
Bild 4 von 5. Aldo Rodigari a chaschun da l'avertura il 2006. Bildquelle: RTR.
-
Bild 5 von 5. Christiane Stemmer e Günther Baldauf l'onn 2006. Bildquelle: RTR.
En ils locals dal bajetg vegn fatg teater, vernissaschas, lavuratoris e concerts. Tranter auter èn stads da la partida era il comicher Simon Enzler, il scriptur Arno Camenisch, ma era concerts cun Martina Linn u Pascal Gamboni.
Atgnamain èsi simpel, ins sto sulettamain avair il curaschi da contactar las artistas ed ils artists e dumandar sch’els vegnan.
Il Chastè da cultura vegn finanzià oravant tut da fundaziuns, ma era dal chantun Grischun. Durant l’onn vegnan preschentadas radund 10 fin 12 occurrenzas.