L’onn 2018 è Mario Riatsch stà da viadi sin il Piz S-chalambert Dadaint. El enconuscha questa muntogna gia da pitschen ensi.
Quel di, ils 8-7-2018 è el raivì sin in podest da grip per pudair spievlar. Forsa, ch’el vesia ina bella chaura da chamutsch. Cun star si da quel podest da grip, sin in’autezza da 2'870 meters sur mar, ha el fatg ina scuverta dal tuttafatg unica. Sper ses maun ha el scuvert ina gronda passida. Ina passida cun quatter griflas, dad ina lunghezza da var 50 centimeters e 30 centimeters largezza.
Per el era svelt cler, quai sto esser ina passida da dinosaur.
Sin la platta dal grip, che è var 50 meters quadrats gronda ha el lura chattà trais differents fastizs. In consista da 14 improntas da pes, dretgs e sanesters.
Svelt èn lura rivads ils perscrutaders ed han filmà, fotografà, fatg improntas da gip e perscrutà la crappa ed èn vegnids a la conclusiun, che quels fastizs ston derivar dal «tard Trias». Quai vul dir, ch’els ston esser var 208 enfin 210 milliuns onns vegls.
Or da l'archiv:
