Il 1876 èn s'inscuntrads set umens amez l’Engiadina per fundar ina societad da musica cun il num «societad da musica dellas Aclas». Cun las Aclas eran manegiadas las fracziuns da Susauna, Cinuos-chel e Brail. Fundà tenor ils statuts da la musica da bal.
Dal num n’è betg pli restà bler. Ozendi è la societad enconuschenta sut «musica Cinuos-chel Brail». Midà n’è betg be il num, ma era las reglas.
Perlas or da l'archiv
-
Bild 1 von 7. La societad da musica Cinuos-chel Brail ozendi. Bildquelle: Societad da musica Cinuos-chel Brail.
-
Bild 2 von 7. Ina da la primas fotgrafias da la societad da musica Cinuos-chel Brail dal 1907. Bildquelle: Societad da musica Cinuos-chel Brail.
-
Bild 3 von 7. La musica dal 1939. Bildquelle: Societad da musica Cinuos-chel Brail.
-
Bild 4 von 7. La societad a la festa da musica a Ramosch 1953. Bildquelle: Societad da musica Cinuos-chel Brail.
-
Bild 5 von 7. La societad dals onns 1950. Bildquelle: Societad da musica Cinuos-chel Brail.
-
Bild 6 von 7. La nova bindera per il giubileum da 100 onns. Bildquelle: Societad da musica Cinuos-chel Brail.
-
Bild 7 von 7. Marschar per la festa da 100 onns il 1976. Bildquelle: Societad da musica Cinuos-chel Brail.
Durant ils ultims 50 onns, pia suenter che la societad ha festivà sia festa da 100 onns, han ils commembers – da quel temp mo umens – decis ch'era dunnas pon far part e sunar en la musica, ha ditg Reto Juon ch'è dapi 52 onns commember ed il pli vegl veteran da la societad da musica.
Senza dunnas na dess quai betg pli la societad da musica Cinuos-chel Brail.
L’onn dal giubileum da 100 onns eran circa 13 commembras e commembers activs. Ozendi ha la societad 22 musicantas e musicants activs.
-
Bild 1 von 2. Reto Juon. Bildquelle: Societad da musica Cinuos-chel Brail.
-
Bild 2 von 2. Curdin Graf. Bildquelle: Societad da musica Cinuos-chel Brail.
La musica tegna ensemen
La musica ch'è activa per il mument, è tenor il president ina buna cumpagnia. Curdin Graf ha era in idea, daco che la cifra da musicantas e musicants activs è restada auta.
Tar nossa societad n’è la musica betg il numer in. Quai che tegna nus ensemen è che nus sesain suenter il sunar anc en cumpagnia.
Tuttina spera el però, che tantas commembras e commembers èn da la partida e che «sia» societad da musica po far festa era per il giubileum da 175 onns.
La festa da 150 onns
Planisada è ina festa da giubileum per enturn 600 persunas la sonda ils 13 da zercladur a S-chanf. A partir da las 11:00 la damaun sunan differentas musicas, chantan chors e la saira vegn fatg divertiment cun chapellas da festa fin tard en la notg.
Sin Play Festas chattais Vus differentas registraziuns che RTR ha fatg en il decurs dals ultims onns per Vus. Quai èn registraziuns da discs cumpacts, concerts ubain era festas da chant e musica. Nus giavischain bun divertiment da tadlar ils tuns e suns.