Il club da Zonta internaziunal datti gia dapli che 100 onns, ma il club regiunal, quel da l’Engiadina Bassa Val Müstair festivescha ses 10avel giubileum.
Onn per onn organiseschan ellas acziuns ed inscunters per ramassar raps per sustegnair per exempel giuvnas sportistas e musicistas u per sustegnair canortas, famiglias e lur uffants u era giuvnas en lur decisiun per emprender in mastergn.
Cun ina acziun tuttafatg speziala vulan ellas visualisar e far attent la populaziun a la problematica da violenza vers dunnas e mattas.
Orange your city
Quest’acziun è vegnida organisada internaziunal dal club Zonta, monuments da gronda muntada vegnan straglischads cun glisch oranscha per visualisar e mussar vi sin la problematica da violenza vers las dunnas. Era en Engiadina Bassa straglischa il chastè da Tarasp en quella colur.
