Siglir tar il cuntegn

Concurrenza d'architectura Tschernì il project victur per la nova scola a Malögia

Cun 14 projects architectonics inoltrads, n'era la schelta per la giuria betg simpla. Uss è cler sco che la nova scola bilingua a Malögia duai guardar ora. La giuria s’ha decis per il project da la cuminanza da lavur Albertin Architekten da Haldenstein ed il biro OG27 SA da San Murezzan.

Scola existenta è veglia

Dapi 120 onns vegn la scola a Malögia gia duvrada. Ils ultims onns èn las cifras da scolars e scolaras creschidas, e creschan vinavant. Uschia avess la scola veglia stuì vegnir sanada ed engrondida, ma il lieu actual n’è betg adattà. Dad ina vart pervi da la vegliadetgna da l’edifizi, e da l’autra vart pervi da la vischinanza cun la via chantunala.

Uschia ha la vischnanca da Bregaglia decis da fabritgar lur chasa da scola nov sin ina parcella dasper la sala polivalenta existenta amez Malögia.

Pronta per l’onn da scola 2026/2027

Ambizius è er il plan da temp. Ils plans actuals per la nova chasa da scola duain survegnir be paucas cumplettaziuns, uschia che la radunanza communala da Bregaglia po decider proxim atun davart il credit per il project. Tenor ils responsabels duain las lavurs da construcziun cumenzar l’onn che vegn.

RTR Telesguard 17:40

Artitgels legids il pli savens