La bova da Bondo fatschenta uss il Tribunal federal a Losanna. Ils confamigliars da las victimas fan recurs. Ils confamigliars na van betg d'accord cun la decisiun da la Dretgira chantunala grischuna dal schaner 2020. Quai annunzia la pagina online da RSI sin basa d'infurmaziuns da l'advocat dals confamigliars.
Per la dretgira n'era la crudada da crappa al Piz Cengalo dal 2017 betg stada prevesibla ed uschia nagin la culpa per la mort dad otg viandants.
Confamigliars èn d'autra opiniun
Tenor l'advocat dals confamigliars da las victimas da naziunalitad svizra, tudestga ed austriaca avess ins tenor las retschertgas, fatgas duas emnas avant che la tragedia è succedida, stuì prender ulteriuras mesiras da segirezza.
Ord l'archiv
Ils 23 d’avust sa distatgan quatter milliuns meters cubic grip dal Piz Cengalo.
RTR novitads 14:00
