Siglir tar il cuntegn

Header

cuntegn

«Du Lac» e «Promulins» Tractar anc ina giada surdada da lavurs

La Dretgira administrativa dal chantun Grischun sto danovamain tractar dus cas en connex cun surdar lavurs per installaziuns electricas en l’Engiadina. La sentenzia dal Tribunal federal da la primavaira passada demussa numnadamain, ch'el ha acceptà ils dus recurs.

I va per las installaziuns electricas en il center d’attempads «Du Lac» a San Murezzan ed en la chasa da tgira «Promulins» a Samedan. In consorzi engiadinais che n’ha betg survegnì las lavurs, ha sco emprim fatg recurs tar la Dretgira administrativa e silsuenter a Losanna tar il Tribunal federal. Sco l'advocat da la firma pertutgada ha ditg sin dumonda dad RTR, saja la renfatscha, ch'ina firma che haja survegnì las lavurs per installaziuns electricas, haja en il passà cuntrafatg al contract da lavur collectiv e betg inditgà quai correct en il process da surdada da lavurs.

audio
Selina Planta declera la situaziun actuala
ord Actualitad dals 15.09.2022.
laschar ir. Durada: 4 minutas 12 Secundas.

Dretgira administrativa sto ir sur ils cudischs

Il Tribunal federal dat raschun als recurrents: La Dretgira administrativa dal Grischun avess stuì examinar questas renfatschas pli exact. En cas ch'ils derschaders grischuns vegnian uss ad in'autra conclusiun pudessan ils recurrents probabel far pretensiuns per indemnisaziuns. Il derschader responsabel da la Dretgira administrativa ha precisà envers RTR, ch'i na sa tractia betg d'indemnisaziuns per profits pers, mabain per ils sforz inutils per scriver las offertas ed ils custs dals process. Tenor el sajan quai plirs milli francs.

RTR novitads 14:00

Artitgels legids il pli savens

Scrollar a sanestra Scrollar a dretga