Da simpel enfin difficil – las loipas enturn Puntraschigna, Schlarigna e Samedan inditgadas cun las colurs blau, cotschen e nair. Quai ch'ins enconuscha da las pistas da skis, è ussa era utilisà sin las loipas.
Agid per principiants
In agid dessan las indicaziuns esser en emprima lingia per principiants, uschia Chatrigna Signorell, managera da products da l'Engiadina Turissem SA. Las colurs vegnan definidas tenor differents criteris. Tranter auter decidia la pendenza da la loipa e midadas da direcziun.
Gist a principiants sa gidar ch'els san sa fidar ch'il traject na ha naginas difficultads.
-
Bild 1 von 3. Ed er sin las tablas d'infurmaziun. Bildquelle: RTR.
-
Bild 2 von 3. Las colurs èn inditgadas sin ils mussavias. Bildquelle: RTR.
-
Bild 3 von 3. Entant datti las informaziuns per las loipas a Puntraschigna, Schlarigna e Samedan. Bildquelle: RTR.
Project per l'entira Svizra
Il project è vegnì lantschà da Loipas Svizra ensemen cun Grischun Nordic. La finamira è dad unir las marcaziuns e dar la pussaivladad d'ina survista unida per tut las loipas en l'entira Svizra. Per intginas passlunghistas e passlunghists, ina sporta che na fa betg propi da basegn.
Sch'jau na riv betg enavant, tir jau simplamain ora ils skis.
Blau, cotschen e nair – las loipas vegnan marcadas tenor difficultad. Per ils ins po quai esser in agid, auters san sa gidar sez.
