La davosa dumengia da l'avrigl è ida a fin la stagiun da passlung en Engiadin’Ota. Grazia a la blera naiv e las temperaturas bassas, hajan els pudì preparar la dumengia las ultimas loipas. Sco ils responsabels scrivan en lur communicaziun, saja la stagiun passada stada extraordinaria. Malgrà la mancanza da giasts internaziunals, hajan els numnadamain vendì dapli bigliets da loipa cumpareglià cun ils onns avant.
Boom en tut la Svizra
La societad Loipen-Schweiz ha realisà in onn da record. Sco ils responsabels han ditg envers SRF, hajan els gì entradas dals pass da loipas da tut la Svizra da 6 milliuns francs – 48% dapli che l’onn avant.
audio
Per tadlar curt e cumpact
ord RTR Audio dals 26.04.2021.
laschar ir. Durada: 1 minuta 5 Secundas.
