Da duvrar la diversitad culturala e linguistica sin l'entir mund, è ina cumpetenza ch'è pli e pli dumandada. La Svizra ed er il Grischun pon profitar qua da blera experientscha. Perquai vul il Departament federal d'affars exteriurs promover il barat tranter las regiuns linguisticas. Il glindesdi ha Ignazio Cassis avert l'emna da curs intensivs da rumantsch a Scuol. Cun quai cuntinuescha Cassis ses engaschament per il rumantsch.
Il favrer aveva Cassis lantschà l'emprima ediziun da l'emna rumantscha. La finamira da quella è da render attent sin la situaziun dal rumantsch e da suttastritgar l'impurtanza da la plurilinguitad. Cassis aveva lura er ditg ch'el veglia approfundar sias enconuschientschas dals tschintg idioms rumantschs. Sinaquai aveva el visità il zercladur la classa da Glion ch'aveva envidà el spontanamain ad in curs da sursilvan.
