Finamira dal cussegl è tenor communicaziun da «objectivar la discussiun e da stgaffir ina collavuraziun effizienta cun cleras finamiras». Il post dal CEO na vegn en il mument betg remplazzà. La fatschenta operativa è suttamessa a la direcziun.
La squadra da Engiadina San Murezzan Turissem ha prendì tuttas mesiras e stgaffì las cundiziuns per superar las consequenzas da la pandemia da corona uschè bain sco pussaivel.
Per puspè far traglischar la ESMT SA vul il cussegl d'administraziun integrar las vischnancas ed ils purtaders via ina «maisa radunda». Quai duai esser la basa per decider alura a chaschun dad ina radunanza general co vinavant e sche necessari cumplettar il cussegl d'administraziun.