La fundaziun Anna Florin che s’engascha per vitgs vivs vul promover il dialog tranter indigenas ed indigens e persunas che possedan abitaziuns da vacanzas. Perquai ha ella envidà a tuts per in speeddating. Persunas cun differentas realitads da vita duajan uschia vegnir en discussiun e discutar in cun l’auter enstagl dad in sur da l’auter.
-
Bild 1 von 4. En dialog: persunas indigenas e persunas che possedan ina abitaziun da vacanzas en la regiun. Bildquelle: RTR.
-
Bild 2 von 4. Cura ch'il gong tuna ... Bildquelle: RTR.
-
Bild 3 von 4. ... èsi da midar plaz. Bildquelle: RTR.
-
Bild 4 von 4. Tge inspirescha tai? Ina bella dumonda per emprender d'enconuscher in l'auter. Bildquelle: RTR.
L’idea da la fundaziun è d’organisar plirs da quests speeddatings en il decurs da quest onn. Tar l'emprim èn vegnidas radund 15 persunas, la gronda part dantant indigens.
Sch'ins vegn en dialog ves’ins che tuts han ils medems interess, in interess per la cuminanza e betg per far dispita.
Ils participants ed ils organisaturs avessan gì gugent dapli persunas estras, ma tiran tuttina ina bilantscha positiv.
Quai èn las spetgas al speeddating
-
Bild 1 von 5. «Per mai èsi impurtant da discurrer sur da la rauba, oravant tut fatscha a fatscha.». Bildquelle: RTR.
-
Bild 2 von 5. «Propi spannend ch’ins avra ina porta per che nus indigens pudain ir pli fitg en discussiun cun ils esters. Bunischem!». Bildquelle: RTR.
-
Bild 3 von 5. «Spetg ch’ils esters ch’han qua abitaziuns fissan pli integrads qua en il cumin.». Bildquelle: RTR.
-
Bild 4 von 5. «Mia aspectativa dad oz è da emprender d’enconuscher ina pluna glieud che jau n’enconuscha betg ussa e da fabritgar forsa vi da punts che èn er resistentas durant in terratrembel ...». Bildquelle: RTR.
-
Bild 5 von 5. «Tar mai stat plitost l'inscunter en il center, l'emprender d'enconuscher, forsa sa barattar sur dad interess e forsa sa dattan era qua novas ideas per l'avegnir.». Bildquelle: RTR.
Ils 11 da mars è previs in segund inscunter per in speeddating. Questa giada a Scuol cun la speranza cha dapli esters e possessurs d’abitaziun da vacanzas sa participeschan.