Siglir tar il cuntegn

Header

cuntegn

Fundaziun Vnà Passa 10 onns engaschament a favur da Valsot

Tranter la fundaziun e la vischnanca datti ina stretga collavuraziun. Quels projects che la vischnanca na persequiteschia betg surpiglia la fundaziun.

audio
Fundaziun Vnà festivescha 10 onns
ord Actualitad dals 18.01.2023. Maletg: RTR
laschar ir. Durada: 3 minutas 20 Secundas.

L'onn 2011 è vegnida fundada la Fundaziun Vnà cun l'intent da promover la vita sociala, economica e culturala da la vischnanca da Valsot.

In dals pli grond projects è stada la realisaziun dad in atelier da film cun il num «Cinevnà». In atelier per giuvnas e giuvens cha vulan emprender a filmar. La Fundaziun Vnà ha organisà localitads e tschertgà las finanzas necessarias per realisar quest project e che funcziuna dapi 10 onns.

Cinevna, ina purschida da la fundaziun Vna
Legenda: RTR

Mantegnì la butia a Ramosch

Qua ha la Fundaziun Vnà fungà sco mediatura. La butia a Ramosch era periclitada, ma cun agid da la vischnanca e la fundaziun han ins chattà ina schliaziun. La nova butia avra sia portas la primavaira 2023.

Plinavant ha la fundaziun cunorganisà er activamain projects a favur da la natira e cultura. Sco proxim project èn ins vidlonder da chattar ina buna schliaziun per las localitads da scola en la fracziun da Tschlin.

La nova butia a Ramosch (Valsot)
Legenda: La nova butia a Ramosch. RTR, Georg Luzzi

Ina fundaziun senza possess

La Fundaziun Vnà sa vesa sco mediatura, coordinatura e sco inizianta per projects a favur da la populaziun ch'abita en la vischnanca da Valsot e betg sco finanziadra da quels projects.

Sco nova presidenta da la Fundaziun Vnà è vegnida elegida Mengia Mathis da S-chanf, ella surprenda a partir dal 2023 il timun. Fin la fin dal 2022 era Fadri Riatsch da Vnà il president.

RTR total local 11:45

Artitgels legids il pli savens

Scrollar a sanestra Scrollar a dretga