Siglir tar il cuntegn

Header

video
Sanaziun da la chasa da parcar Quadrellas a San Murezzan
Or da Telesguard dals 15.11.2022.
laschar ir. Durada: 4 minutas 1 Secunda.
cuntegn

Garascha publica San Murezzan Investiziun da 9,1 milliuns per la segirezza

La garascha Quadrellas è vegnida construida avant 50 onns. Per pudair tegnair avert quella en avegnir sto San Murezzan investir 9,1 milliuns francs en la segirezza. Oravant tut la segirezza cunter fieu n’è betg pli dada ed era la tecnica da chasa n’è betg pli actuala.

Garascha Quadrellas a San Murezzan
Legenda: Garascha Quadrellas a San Murezzan RTR, Curdin Fliri

La garascha Quadrellas saja impurtanta oravant tut per las fatschentas e per ils hotels vischins, uschia il vicepresident communal Reto Matossi. Questa garascha è da gronda impurtanza, perquai ch’ella sa chatta amez il center dal vitg da San Murezzan.

Stuair serrar questa garascha chaschunass actualmain in problem da traffic. La garascha existenta Serlettas che sa chatta en vischinanza ha memia pauc spazi, betg mo durant la stagiun auta, mabain durant l’entir onn. San Murezzan è bain londervi d’elavurar in concept da traffic, ma quel n’è anc betg sin maisa.

audio
San Murezzan: Chasa da parcar sto vegnir sanada
ord Actualitad dals 15.11.2022.
laschar ir. Durada: 2 minutas 29 Secundas.

Ina investiziun per maximalmain 15 onns

Damai ch'i n'exista anc nagin concept concret per questa garascha èsi impurtant d’avair a disposiziun las plazzas a Quadrellas. Senza ina sanaziun stoppian ins dentant serrar la chasa da parcar per motivs da segirtad. Las lavurs èn planisadas durant la stad 2023 – la reavertura sin la stagiun d'enviern.

Il credit da 9,1 milliuns francs vegn suttamess a la populaziun a chaschun da las votaziuns dals 27 da november.

RTR actualitad 17:00

Artitgels legids il pli savens

Scrollar a sanestra Scrollar a dretga