Gianna Bettina Gritti è stada 15 onns en fila magistra da rom, ma er oravant ha ella adina instruì. Andri Gritti percunter è stà magister da la 5 e 6avla classa durant 40 onns.
A Gianna Bettina Gritti ha plaschì surtut il chant, projects da chant ensemen cun ils uffants èn stads ina bellezza. Il rom preferì dad Andri Gritti è stà la matematica. Ma insumma, la lavur cun uffants, la collegialitad tranter la magistraglia ed er la plazza da lavur ha plaschì ad omadus adina zunt bain.
Andri Gritti ha però gì onns main allegraivels, ma betg pervi da la scola. La malsogna cancer, ma ils medis al han adina pudì gidar, uschia Andri Gritti.
Nagins plans per l'avegnir – spontanitad stat en il center
Els sa participeschan ad organisaziuns e projects da chant e musica, els prevesan da far viadis, dad ir a tadlar concerts. Quai ch'els na prevesan betg – planisar. Spontanitad stat en il center, giudair il mintgadi en pensiun meritada.
