La scola da Tarasp Vulpera ha per la finiziun da l'onn da scola fatg in excursiun en la natira, nua ch'ils scolars e las scolaras han pudì emprender a far fieu ni a far in satg da durmir ord material natiral.
Ma era durant l'onn da scola han ils scolars gì plirs highlights. Per exempel il teater da Nadal ni las spassegiadas da scola. Era las fins d'emna ed ils firads, nua ch'els han gì liber èn sin la glista dals megliers muments.
In auter aspect che plascha bain als uffants da scola da Tarasp è che tut las annadas èn en ina stanza da scola da l'emprima enfin la sisavla. I saja sco ina gronda familia.
