Siglir tar il cuntegn

Header

video
Da l'hotel Misani stat mo pli la fatschada
Or da Telesguard dals 09.06.2023.
laschar ir. Durada: 3 minutas 37 Secundas.
cuntegn

Schlarigna Nova speranza per Hotel Misani

Dapi quatter onns è l'hotel Misani, amez la vischnanca da Schlarigna en Engiadin'Ota, serrà. Da l'edifizi ch'è 145 onns vegl stat be pli la miraglia. Uss datti però nova speranza. Sco Christian Brantschen, il president communal da Schlarigna ha ditg, saja numnadamain vegnida inoltrada ina dumonda da fabrica per l'hotel. Uschia po vegnir evità che la miraglia sto vegnir stratga giu. Quai era la pretaisa da la vischnanca, ch'aveva dà temp al possessur d'inoltrar ina dumonda da fabrica fin la fin da fanadur. Sco proxim, duai l'uffizi da construcziun communal sclerir sche la dumonda da fabrica correspunda a tut las pretaisas.

Da l'hotel da caracter ad ina ruina

L’hotel Misani amez la vischnanca da Schlarigna en Engiadin’Ota, era in hotel da caracter ed in lieu d’inscunter enconuschent en la regiun. L’onn 2017 è l’edifizi vegnì vendì. Il plan dal nov possessur era da sanar e renovar l’hotel e transfurmar quel en in Aparthotel cun 12 abitaziuns. Pervia da problems finanzials èn las lavurs da construcziun però vegnidas interruttas l’onn 2019. Dapi là exista be pli la miraglia dal stabiliment. In purtret, che saja er per la vischnanca da Schlarigna ina situaziun dischagreabla.

RTR actualitad

Artitgels legids il pli savens