Siglir tar il cuntegn

Header

cuntegn

«IB-Diplom» Institut Otalpin Ftan augmenta sia purschida

Da nov pon scolaras e scolars da l’Institut Otalpin Ftan far in uschenumnà «IB-Diplom» – quai è l’equivalent internaziunal d’ina matura en Svizra. Quai ha communitgà la scola media engiadinaisa.

«IB-Diplom»

Textbox aufklappenTextbox zuklappen

Il program da diplom è vegnì sviluppà il 1968 a Genevra. La finamira è da pussibilitar ina furmaziun equilibrada, da levgiar la mobilitad geografica e culturala e da promover la chapientscha internaziunala. Il program sa basa sin in plan d’instrucziun da dus onns cun sis roms e cumpetenzas-clav en tuttas disciplinas.

Quest diplom vegn renconuschì da las universitads impurtantas sin l’entir mund. Sco i ha num en la communicaziun, saja l’Institut Otalpin Ftan vegnì accredità da la «International Baccalaureate Organisation IBO». Uschia haja l’institut fatg in grond pass en vista a sias stentas per meglierar la recrutaziun da scolars e scolars da l’entir mund, hai num vinavant.

Ord l'archiv

video
Institut Otalpin Ftan vul carmalar dapli scolars da la China
Or da Telesguard dals 24.01.2020.
laschar ir

RTR novitads 10:00

Artitgels legids il pli savens

Scrollar a sanestra Scrollar a dretga