Els n’hajan betg mo preschentà l’Institut Otalpin be en la Germania, l’Italia ed en l’Europa da l’Ost, ma er en Russia ed en pajais asiatics sco la China. Quai ha ditg il president dal cussegl d’administraziun, Jon Peer envers la Fundaziun Medias Rumantschas.
Malsegirezza pervi dal virus da Corona
Questa stad vegnian ils emprims scolars da la China a l’Institut Otalpin. Ina scolara chinaisa cumenzia schizunt gia l’entschatta d’avrigl. Quai che saja dentant avert il mument saja il problem cun il virus da Corona. La scola saja en contact cun il chantun per guardar tge mesiras che stoppian vegnir prendidas, per exempel en connex cun la quarantina, uschia Jon Peer vinavant.
Cun sias mesiras da marketing en l’Asia vul l’Institut Otalpin segirar sia existenza a lunga vista. La finamira è da carmalar dapli scolaras e scolars per uschia vegnir ord las cifras cotschnas.
RTR novitads 06:00
