Institut Otalpin Ftan
-
Puspè in nov directur
André Niedermann daventa nov directur dal Institut Otalpin a Ftan, suenter che Jared Nolan banduna suenter bunamain duos ons.
Autor:
Georg Luzzi
18.05.2026, 16:45
La glista dals directurs dal Institut Otalpin daventa anc ina giada pli lunga. Jared Nolan banduna suenter dus onns. Sco successur ha il cussegl administrativ da l'institut elegì André Niedermann.
André Niedermann ha lavurà 12 onns tar la scola auta professiunala da la Svizra dal Nordvest sco docent e directur dal program.
Manar questa scola è per mai in grond privilegi.
André Niedermann è Svizzer, maridà, ha trais uffants e porta gronda experientscha sin livel internaziunal. Tenor infurmaziuns dal president dal cussegl administrativ, Jon Peer, hajan ins cun Niedermann chattà ina persuna ch'enconuscha la cultura dad ina scola Svizra ed era las sfidas che stattan avant.
Tar l’Institut Otalpin datti regularmain midaments en la direcziun.
Tut ils directurs da l'Institut Otalpin Ftan:
Avrir la box
Serrar la box
- 1793-1829: Andrea Rosius à Porta
- 1829-1841: Johann & Peter à Porta
- 1850-1869: Johann & Peter à Porta
- 1916-1927: Carl Camenisch
- 1927-1928: Emil Schmid
- 1928: Theodor Wiget
- 1929-1932: E. Hauenstein
- 1932-1945: Carl Camenisch
- 1945-1971: Max Gschwind
- 1971-1991: Heinz Gallmann
- 1992: Heinz Gäumann
- 1992-1996: Fritz Brodt
- 1996-2000: Walo Tödtli
- 2000-2001: Men Wieland
- 2001-2002: Jachen Curdin Arquint
- 2002-2005: Aldo Magno
- 2005-2009: Gwer Germann
- 2009-2014: Gerhard Stäuble
- 2014-2014: Bruno Büchi
- 2014-2015: Sven A. Kohler
- 2015-2016: Stefan Prebil
- 2016-2018: Elisabeth Steger Vogt
- 2018–2021: Ursula und Beat Sommer
- 2021-2023: Stefanie Aichholz
- 2023-2024: Christoph Hendrickx/Caroline Taylor
- 2024-2026: Jared Nolan
- dapi matg 2026: André Niedermann
Il problem dals midaments èn stads che blers n'enconuschan betg la cultura Svizra, cun Niedermann sperain nus sin cuntinuaziun.
André Niedermann ha cumenzà ils 1 da matg a Ftan.
