-
Bild 1 von 3. Radund 20 persunas han visità l'occurrenza a Zernez. Bildquelle: RTR.
-
Bild 2 von 3. Tschertgadas èn fotografias e films dad instituziuns, organisaziuns e persunas privatas. Bildquelle: RTR.
-
Bild 3 von 3. Students da la scola chantunala a Cuira dals onns 1908 e 1909. Bildquelle: RTR.
Fotografias, registraziuns sonoras, films e videos èn documents prezius da noss passà, saja quai en furma analoga u digitala. Quests bains culturals èn savens da chattar en archivs, però er gist uschè savens en chasadas privatas.
Per chattar e pudair elavurar las ivettas che documenteschan la vita da noss perdavants rimna il post da cumpetenza naziunal «Memoriav» ensemen cun l'Uffizi da cultura dal Grischun. Per quest intent hai dà in'occurenza d'infurmaziun a Zernez. Radund 20 persunas han prendì part per tut tenor er cuntribuir material.
Jau hai ina collecziun da cassettas veglias e vuless ussa finalmain digitalisar quellas.
Dapi l’onn 2022 fa «Memoriav», il post da cumpetenza per il patrimoni audiovisual da la Svizra, in inventari naziunal da survista dals bains culturals audiovisuals. Il Grischun sa participescha activamain al project ed extenda las lavurs preliminaras dal chantun.
La finamira e da procurar che films e fotografias na van betg a perder e restan accessiblas per il public.
Il Grischun envida instituziuns, organisaziuns e persunas privatas da sa participar a l’enquista e da prestar uschia cuminaivlamain ina contribuziun per segirar il patrimoni audiovisual dal chantun.