La pensiun Ospizi da l’Alvra a La Punt Chamues-ch vegn sanada da fund ensi. Oz han cumenzà las lavurs da reconstrucziun. Dal stabiliment ch’è passa 150 onns vegl, e tutga dapi l’onn 2015 a la vischnanca, resta be il mir da fundament. En l’interiur vegn reconstruì il restaurant, las stanzas, las fanestras ed er las installaziuns sanitarias. L’entir project vegn a custar radund 4 milliuns francs.
La radunanza communala da La Punt Chamues-ch ha acceptà la dumonda da credit l’enviern 2019. Tenor Urs Niederegger, il chanzlist da La Punt Chamues-ch, duai l’Ospizi vegnir restaurà cun quest project per ils proxims 30 onns. L’atun 2018 ha l’orcan «Vaia» destruì l’edifizi. Sche tut va tenor plan, duai il nov Ospizi vegnir inaugurà la stad dal 2022.
