Passa in mez milliun francs plus ha la vischnanca da La Punt Chamues-ch fatg l'onn passà. E quai cun far amortisaziuns da bundant 2,5 milliuns. La facultad netta per abitant importa da nov 67’088 francs. L'agen chapital è s'augmentà sin 54,6 milliuns francs.
La radunanza communala ha approvà il quint unanimamain.
Nagins fieus artifizials ed obligatori da corda per chauns
Vinavant è vegnì decis sur da la lescha da polizia. Ella è vegnida elavurada sin basa da las leschas d'autras vischnancas da l'Engiadin'Ota.
Fixads vegnan tranter auter il scumond general da far fieus artifizials ed in obligatori da tschinta per chauns general sin territori abità sco er en ils guauds. La lescha vegn approvada cun gronda maioritad e cun in'adattaziun da l'obligatori da tschinta
