L’uffizi da traffic federal che dat la concessiun per la lingia nautica sin il Lai da Segl ha pretendì novas mesiras da segirtad e per la protecziun da l’ambient. Tranter auter èsi stà necessari da montar flottaders sin la vart davos da la bartga che gidassan per cas d’ina avaria da tegnair sur aua la nav. E per proteger las auas d’ina polluziun da diesel, è l'indriz per tancar vegnì spustà da l’extern en l’intern dal vehichel ch’ha 41 onns.
6’000 passagiers per onn
En ils quatter mais che la bartga circulescha sin il lai, transporta ella var 10’000 persunas. Per il rest da l’onn ston tut ils commembers e commembras da la famiglia possessura avair in’autra occupaziun. Franco Giani p.ex. aveva ina tratga da pulom e sia figlia Francesa è magistra per filosofia ed istorgia.
-
Bild 1 von 6. Bartga da Segl. Bildquelle: RTR.
-
Bild 2 von 6. Bildquelle: RTR.
-
Bild 3 von 6. Bildquelle: RTR.
-
Bild 4 von 6. Bildquelle: RTR.
-
Bild 5 von 6. Urari da la bartga da Segl. Bildquelle: RTR.
-
Bild 6 von 6. La bartga da Segl l'onn 1907. Bildquelle: fam. Giani.
A lunga vista – bartga electrica
Francesa Giani siemia d’ina bartga electrica sche la nav actuala sto vegnir remplazzada in di. Ina bartga pli gronda na considerescha la famiglia dentant betg.
En il proxim futur possian ins forsa nizzegiar la bartga per eveniments culturals, en vista al fatg che Segl sa posiziunescha en quel champ. Dentant ussa vulan Francesa e Luca sco emprim sa famigliarisar cun il manaschi avant che schlargiar lur purschida.
Or da l'archiv: