Gea u na – quai è per bleras Engiadinaisas ed Engiadinais la dumonda da questa fin d’emna. Oz, venderdi han cumenzà ils tests da massa per l’Engiadina e las valladas dal sid. En 18 differentas vischnancas èn preparadas 23 staziuns da test – quai per eruir quant gronda che la cifra zuppada dals infectads ed infectadas è.
Dapli che fan il test, pli marcant ch'il maletg da la situaziun è.
L'organisaziun, ina sfida enorma
Radund 1'000 persunas che lavuran e che gidan, han stuì vegnir recrutadas entaifer in’emna per quest project da pilot.
Quai era per tut las vischnancas davent da la Val Müstair, Engiadina Bassa enfin la regiun Malögia, Bregaglia e Puschlav ina enorma sfida. Mo en la regiun Malögia eran necessarias 200 persunas da la medischina plus 30 medis. In grond effort per in project da pilot da l’entira Svizra.
