Siglir tar il cuntegn

Header

audio
Stretgas en la contrucziun: En l'Engiadina mancan lavureras e lavurers
Or da Actualitad dals 04.05.2021.
laschar ir. Durada: 2 minutas 25 Secundas.
cuntegn

Lavur da construcziun bassa La sfida da chattar avunda persunal

Interpresas en l'Engiadina han per part 20-30% dapli lavur en congual cun l’onn passà – quai dovra er dapli persunal.

Per las interpresas da construcziun en Engiadina cumenza la stagiun auta. Tenor Christian Florin, il manader dal center da profit da l’Engiadina da la WALO Bertschinger SA, saja la situaziun da lavur quest onn fitg cuntentaivla. Uschia pudessian ins en teoria engaschar anc 20 fin 30 lavurers u lavureras dapli.

Mancanza da giuvnas e giuvens

La gronda sfida è però da chattar avunda persunal. Tenor Christian Florin è oravant tut il problem che giuvnas e giuvens svieschian adina pli savens sin professiuns en il biro. Quai fetschia er vegnir pli difficil da chattar successiuns per lavureras e lavurers ch'èn gia u curt avant la pensiun.

Il pli bel fiss, sche geniturs pruvassan da persvader lur uffants da far in giarsunadi en il sectur da construcziun. Las giuvnas e giuvens taidlan numnadamain ferm sin ils geniturs.
Autur: Christian Florin manader dal center da profit da la WALO Bertschinger SA da l'Engiadina

La sfida da chattar giuvnas e giuvens resta tenor Christian Florin er ils proxims onns gronda.

RTR actualitad 07:00

Artitgels legids il pli savens