Siglir tar il cuntegn

Header

audio
Abitaziuns da vacanzas e la regla da tschintg persunas
Or da Actualitad dals 04.02.2021.
laschar ir. Durada: 03:30 minutas.
cuntegn

Limitaziun da 5 persunas Ina part da la famiglia resta tut tenor a chasa

Las reservaziuns d'abitaziuns da vacanzas d’enviern han per part gì da vegnir annulladas u spustadas sin pli tard. La raschun è il scumond actual dal Cussegl federal da sa radunar en dapli che tschintg persunas.

Martina Hänzi
Legenda: Martina Hänzi maina la plattafurma da reservaziun Engadin Booking. mad
Ils giasts èn flexibels: tut tenor vegn la nona in’emna ed il non l’autra cun la famiglia en vacanzas en Engiadina.
Autur: Martina HänziEngadin Booking, Scuol

Actualmain hajan ils fittaders dad abitaziuns da vacanzas simplamain dad esser fitg culants e tut tenor er desister d’entradas che fissan atgnamain garantidas.

Nus sco fittaders d’abitaziuns n’avain en quest cas da corona nagina segiranza che paja a nus la perdita.
Autur: Claudia PfisterSamedan Vacanzas
Claudia Pfister
Legenda: Claudia Pfister administrescha pliras abitaziuns a Samedan. Anna Caprez

La dumonda sche la decisiun dal Cussegl federal correspundia a la uschenumnada pussanza superiura u betg, na saja betg anc sclerida, uschia Martina Hänzi. Perquai vegnia mintga singul cas valità separadamain.

Tut sin l’ultim zac

Per las reservaziuns annulladas chattian ins relativ svelt novs giasts, la dumonda saja fitg gronda per abitaziuns durant las vacanzas da sport, suttastritga Claudia Pfister. Dentant reservian ils giasts a fitg curta vista.

Ils restaurants mancan

Sper in augment tar la lavur d’administraziun causa tut las prescripziuns en connex cun corona, saja la dumonda che vegnia fatga il pli savens, sche la cuschina saja equipada bain avunda. Empè dad ir la saira en ustaria, han ils giasts numnadamain da preparar e cuschinar a chasa lur tschaina. Almain fin la fin da favrer.

RTR actualitad 08:00

Artitgels legids il pli savens

Scrollar a sanestra Scrollar a dretga