D'avair fatg part en l'emissiun a la televisiun «Die Höhle der Löwen» saja stada in'experientscha preziusa per l'interpresa, di Tino Andri. La finamira era da chattar in investur u in'investura ch'avess cumprà 20% da la firma per 75'000 francs. In deal n'hai betg dà. Malgrà la mancanza d'investiziun resta il team da buna speranza. La participaziun als ha avert novas perspectivas e mussà ch'els pon avair success era senza investiders externs.
L'interpresa che procuescha dildos da lain, artisanadi engiadinais, metta l'accent sin la collavuraziun cun artists e designers svizzers enconuschents. Questas cooperaziuns permettan da sviluppar products innovativs e d'avrir novs martgads. Ina proxima collavuraziun cun in designer da moda svizzer renumà duai rinforzar vinavant il portfolio. Tgi ch'è manegià cun quai na vegn betg tradì.
Il team resta optimitic da promover sia visiun cun creativitad ed atgna iniziativa. Ils proxims mais empermettan svilups captivants e novas schanzas.
Or da l'archiv:
