Il scumond uffizial da maximal 50 persunas per event, causa il coronavirus, metta en dumonda la cursa tradiziunala, la cursa da dunnas ed era la cursa da notg. Il comité ha perquai decis da betg pli prender encunter annunzias per las cursas ch'avessan lieu ils 14 da mars 2021.
Enfin il pli tard ils 6 da schaner prevesa il comité d’organisaziun da decider, schebain las differentas cursas han lieu e sche gea lura en tge furma.
La situaziun actuala dal coronavirus na lascha il mument betg realisar talas cursas. Il comité vul perquai trair a niz il temp enfin ils 6 da schaner per examinar la situaziun e lura trair las decisiuns finalas, uschia il CEO Menduri Kasper en ina communicaziun a la pressa.
