La midada dal clima è ina sfida per territoris da skis. Quai n’è betg nov. Las pendicularas svizras han però lantschà in nov tool che demussa cun quanta naiv che las destinaziuns pon far quint fin l’onn 2050.
Enviern datti er en avegnir
Per la regiun Parc Naziunal en Engiadina Bassa, prognostitgescha il tool che la vetta da naiv natirala sut 2'000 meters sur mar surpassa ils 30 centimeters necessaris per preparar pistas mo pli durant in mais. Durant ils ultims 30 onns eran quai anc var quatter mais. Cun in’infrastructura d’ennavaziun tecnica, è la preparaziun da quellas pistas però pussaivla er en l’avegnir.
Per Andri Poo, il directur dal territori da skis Motta Naluns a Scuol n’è la midada dal clima nagina surpraisa. Tuttina stopp'ins prender serius quella e tut tenor adattar las strategias. Per la regiun Engiadina na fetschia el betg gronds quitads, d’esser conscient e far ponderaziuns, quai saja l’impurtant. Tenor el poss'ins ir er en avegnir cun skis, simplamain sin in mix da naiv natirala e naiv artifiziala.