La chamona da Boval ha l’annada 1918, e l’onn 1978 han ins engrondì il bajetg situà sin in’autezza da 2’495 meters sur mar. Ils dormitoris, la cuschina, ils indrizs sanitars ed ils locals da cuminanza basegnian ina sanaziun, scriva il Club alpin svizzer CAS. Vitiers na correspundia la chamona betg a las pretensiuns da la protecziun cunter incendis e da las auras, ed era betg a l’igiena da victualias.
Visualisaziuns dal project victur
-
Bild 1 von 2. Uschia duai la nova chamona da Boval sa preschentar. Bildquelle: Mulder Zonderland, Turitg.
-
Bild 2 von 2. In'impressiun da la chamona planisada a l'ur dal vadretg da Morteratsch. Bildquelle: Mulder Zonderland, Turitg.
Il nov project vegn a nizzegiar il postament da crap ed ils tschalers sco stanza tecnica. Ed elements da laina vegnan reutilisads en la fatschada. Quai prevesa il project victur dal biro d’architectura Mulder Zonderland da Turitg. En la concurrenza d’architectura cun total 69 projects inoltrads ha questa proposta persvadì il pli fitg.
Las lavurs da construcziun per la nova chamona duain cumenzar il 2027 ubain il 2028. Fin lura resta la veglia chamona da Boval averta.
