Ils 12 da favrer da quest onn aveva l'Uffizi chantunal per natira ed ambient ordinà che las Ovras Electricas d'Engiadina OEE, hajan da sanar l'entira lunghezza dal letg dal flum ch'è contaminà cun PCB dapi il settember 2016. Las ovras hajan er da purtar tut ils custs da quella sanaziun.
audio
Sanaziun dal Spöl: Las ovras electricas na vulan betg surpigliar sulettas ils custs
ord Actualitad dals 18.03.2021.
laschar ir. Durada: 3 minutas 12 Secundas.
Recurs
Cun quai n'èn las OEE dentant betg cuntentas. Tschertas parts cuntrafetschian perfin a la lescha. Las ovras pretendan ch'ils custs vegnan partids si sin pliras partidas ed er areguard las dimensiuns da la sanaziun veglian ellas avair sclerì dapli en detagl.
Prefinanziar bain, ma...
Las ovras sajan dentant prontas da realisar il project da sanaziun che fiss gia pront ed er da prefinanziar quel. Quai però per metter pli tard a quint ils custs a tut quels che han chaschunà il donn.
