Siglir tar il cuntegn

Header

cuntegn

Plazza aviatica Samedan La PPS sa dosta cunter elecziun da Cavigelli en la cumissiun

La PPS da l'Engiadin'Ota crititgescha la proposta da las vischnancas da l'Engiadin'Ota d'eleger Mario Cavigelli sco commember da la cumissiun d'administraziun da l'INFRA – l'organisaziun che posseda la plazza aviatica a Samedan.

La partida pretenda da midar or tut ils commembers da la cumissiun d'administraziun cun excepziun da Gian Peter Niggli che represchenta la vischnanca purtadra da l'eroport.

Cavigelli è il giavischà da las vischnancas da l'Engiadin'Ota

Suenter la demissiun da l'anteriur president Christian Meuli duai il cusseglier guvernativ actual Mario Cavigelli daventar commember da l'INFRA, l'organisaziun che posseda l'infrastructura da la plazza aviatica Samedan. Sco l'organisaziun ha scrit en ina communicaziun la mesemna, saja Cavigelli perencletg da surpigliar questa plazza suenter la fin da ses temp d'uffizi sco Cusseglier guvernativ la fin da l'onn.

Las vischnancas da l'Engiadin'Ota han proponì che Cavigelli duai vegnir elegì sco commember da la cumissiun da gestiun da l'INFRA a la conferenza da l'eroport l'avrigl 2023. I saja previs ch'el surpiglia sia funcziun a partir dal prim da zercladur 2023. Enfin lura vegnia il post al timun da la INFRA vinavant occupà ad interim dal vicepresident Gian Peter Niggli.

Tenor las vischnancas fiss Cavigelli er la persuna giavischada per surpigliar il presidi da la cumissiun. Quella sa constituescha però sezza cura ch'ella è cumplaina.

audio
Per tadlar: curt e cumpact
ord RTR Audio dals 14.09.2022.
laschar ir. Durada: 1 minuta 1 Secunda.

RTR novitads 16:00

Artitgels legids il pli savens

Scrollar a sanestra Scrollar a dretga