Siglir tar il cuntegn

Header

cuntegn

Plazza aviatica Samedan Petiziun cunter dapli custs e privatisaziun

La renovaziun da la plazza aviatica Samedan duai custar 88 milliuns francs – pia quatter giadas dapli che quai ch’il suveran d’Engiadin’Ota ha approvà avant tschintg onns. Investiders privats duajan finanziar ils custs supplementars da 66 milliuns francs. Cunter quests plans datti uss opposiziun. Quai rapporta la Posta Ladina.

L’organisaziun Forum Engiadina, la PS ed ils Verds sustegnian ina petiziun che pretenda ch’il suveran possia anc ina giada decider davart ils novs plans da finanziaziun e da renovaziun per la plazza aviatica regiunala. Sco Franziska Preisig, deputada dal cussegl grond ha ditg a la Posta Ladina, na sajan ins betg encunter la plazza aviatica. Ins veglia che la plazza aviatica restia en maun public. Sch'insatgi privat investeschia numnadamain 66 milliuns, lura veglia quel cun gronda probabilitad er pudair decider tge che capita, quai na saja lura dentant betg pli la veglia dal pievel.

Per il mument èn ils plans per la renovaziun e sanaziun da l'aviunadi a Berna tar l'Uffizi federal d'aviatica civila. Ina petiziun n'è ord vista politica bain betg in instrument liant, dentant è Preisig segira che la petiziun chattia consentiment tar il pievel e che la causa aviunadi vegnia anc ina giada davant il pievel.

RTR novitads 06:00

Artitgels legids il pli savens