Avant trais onn ha Migros cumenzà cun la construcziun d'in center da cumpra a Samedan ed oz gievgia ha quel pudì vegnir avert. Dasper ina gronda butia dal grossist cun blers products frestgs cumpiglia il center er in restaurant da Migros cun 164 plazs da seser dadens ed ulteriurs 40 plazs sin la terrassa.
Quatter ulteriuras butias cumpletteschan il center da cumpra: En la drogaria Zysset chattan ins in vast sortiment da medischina alternativa e cosmetica. La butia S-CHARPAS porscha stgarpas modernas e dad outdoor sco er vestgadira da sport e temp liber. Tar Daniel Jenny & Co datti textilias da chasa ed il batger passiunà Plinio venda charn dad Aberdeen Black Angus da la regiun.
Ord l'archiv
Il «Telesguard» ha visità l'emna passada il center. Là era il center anc en blers lieus in plazzal da fabrica.
