Sch'in helicopter depona ina chargia sin in millimeter u transporta material da construcziun en territori mal accessibel, èn dumandads sper il pilot er ils assistents da sgol. Lur professiun è pretensiusa, e mintgatant vegn quella sutvalitada. Lur egls èn là nua ch'il pilot na vesa betg.
Nus essan il terz egl dal pilot. Nus vesain quai ch’el na vesa betg.
Ils assistents da sgol lavuran là, nua che precisiun e lavur da team decidan davart success u nunsuccess. Per terra coordineschan els l'agir cun chargias, segireschan material, dattan segn cun il maun, communitgeschan cun il pilot ed a medem temp protegian els ils conturns.
-
Bild 1 von 7. Transport da material cun helicopter. Bildquelle: RTR.
-
Bild 2 von 7. Transport da material cun helicopter. Bildquelle: RTR.
-
Bild 3 von 7. Il pilot e l'assistent da sgol han adina d'essen en contact. Bildquelle: RTR.
-
Bild 4 von 7. Il pilot sto sa fidar cumplainamain als cumonds. Bildquelle: RTR.
-
Bild 5 von 7. L'assistent da sgol coordinescha per terra. Bildquelle: RTR.
-
Bild 6 von 7. I va per centimeters. Bildquelle: RTR.
-
Bild 7 von 7. Lavurar precis e concentrà. Bildquelle: RTR.
Mintga manipulaziun sto seser, mintga secunda quinta. Spezialmain per acziuns en muntogna, per rempars da lavinas u per transports da material ha la concentraziun prioritad.
Sch’ins fa gugent quai, n’è tut nagin problem.
In di da lavur dals assistents da sgol signifitga da lavurar bleras uras ed adina dador en la natira. Quai tar tut las auras. Ma L'aura e las relaziuns dal vent pon era midar l'entir engaschament – uschia ch’ils assistents da sgol ston er esser flexibels, reagir svelt e pensar a moda prospectiva. In job che Not Luzzi fa gugent.