Siglir tar il cuntegn

Header

audio
Origen: Program da stad 2022
Or da Actualitad dals 30.05.2022.
laschar ir. Durada: 3 minutas 15 Secundas.
cuntegn

Program da stad Origen è enavos en las regiuns

Il festival Origen sa deditgescha questa stad al tema «spazi». Sin il program da stad stattan var 350 occurrenzas e quai er en l'Engiadina, il Puschlav e la Bregaglia.

Giovanni Netzer, l’intendant dad Origen, è cuntent da puspè pudair esser liber per organisar purschidas en differents lieus - quai suenter dus onns corona. Per il tema «spazi» sajan ins sa decidì tranter auter perquai che Origen sa chattia actualmain en differentas fabricas, declera Giovanni Netzer. In dals lieus spezials da questa stad vegn ad esser l’anteriura halla da chavaltgar a San Murezzan. Là vegn numnadamain preschentada l’ovra «Solomon». Tenor Netzer è il lieu cun sia acustica adattà bain per l’ovra barocca.

Tur Alva daventa realitad

In dals puncts culminants da questa stad vegn ad esser per Giovanni Netzer la tur Alva a Mulegns. Numnadamain vegn construì in emprim plaun da la tur en furma d’in muster. La tur alva a Mulegns duai servir sco edifizi per occurrenzas culturalas. La furma regorda e raquinta dals pastiziers grischuns ch’han influenzà il maletg da la vischnanca da Mulegns. La tur è planisada e limitada sin tschintg onns.

Cun bajegiar in emprim plaun da la tur alva en furma d’in muster vegnan emprims muments realitad.
Autur: Giovanni Netzer Intendant Origen

Ultima stad per la tur Cotschna

Entant che la tur Alva survegn in'emprima furma – vai per la tur cotschna sin il pass dal Güglia vers la fin. Ella festivescha quest onn il giubileum da tschintg onns. Il medem mument vegn ella però duvrada anc ina giada intensivamain, perquai ch’ella vegn demontada la stad 2023.

RTR actualitad 17:00

Artitgels legids il pli savens

Scrollar a sanestra Scrollar a dretga