Dapi il 2003 protegian differents rempars sin il Munt da la Bês-cha il vitg da Puntraschigna da lavinas e bovas. I sa tracta d'ina investiziun dad 8,2 milliuns francs. La pussanza da la natira è dentant gia adina sa mussada – ed ils umans han cumenzà gia baud a construir installaziuns che duessan proteger il vitg ed impedir che lavinas e bovas n'arrivan betg enfin giu en val.
Il fil cotschen è il svilup
La nova exposiziun en il Museum Alpin a Puntraschigna dat in sguard sin il svilup da tut las installaziuns pussiblas ch’èn vegnidas fatgas ils ultims decennis areguard la protecziun e la prevenziun vi da la muntogna sur Puntraschigna. Cumenzà hai cun simpels mirs setgs, e va fin tar las pitgas manischadas a moda digitala per siglientar lavinas.
-
Bild 1 von 6. Las installaziuns vi da la muntogna daventan adina pli modernas, ellas pretendan dentant er bler inschign. Bildquelle: Museum Alpin Puntraschigna.
-
Bild 2 von 6. Ils rempars èn ozendi per gronda part ord atschal. Bildquelle: Museum Alpin Puntraschigna.
-
Bild 3 von 6. In bunker ch'il stradin «Silvio» duvrava per la survegliaziun durant privel da lavinas. Bildquelle: Museum Alpin Puntraschigna.
-
Bild 4 von 6. Il vitg da Puntraschigna era adina puspè periclità tras lavinas. Quellas vegnivan per part giu enfin amez la vischnanca. Bildquelle: Museum Alpin Puntraschigna.
-
Bild 5 von 6. La chasa dad orfens ch'era vegnida sbuvada cumplettamain il 1916. Bildquelle: Museum Alpin Puntraschigna.
-
Bild 6 von 6. Gian Cla Feuerstein, il manader da l'Uffizi per guauds e privels da natira per il Grischun dal Sid. Bildquelle: RTR.
Dentant, er sche l’uman mesira e controlla ils moviments en la natira adina pli svelt e cun meds moderns restia adina in tschert ristg. Quai di Gian Cla Feuerstein, il manader da l’uffizi per guaud e privels da la natira per il Grischun dal Sid. E cun quel hajan ins da viver.