Per il Parc Naziunal Svizzer ha l'onn 2020 er gì bunas varts, malgrà u gist pervi da la pandemia. Quai resorta dal rapport annual. Anc mai durant ils davos 25 onns hajan tantas persunas visità il parc. E quai haja er gì in effect positiv sin las finanzas.
Pudì curreger sballantscha finanziala
Las perditas pervi dal manaschi restrenschì da la «Chamanna Cluozza» e las expensas supplementaras pervi da las mesiras da protecziun sajan pli che vegnidas cumpensadas. Ensemen cun las contribuziuns da las 14 vischnancas da la regiun ed il sustegn finanzial dal chantun Grischun per il 2021 ha il Parc Naziunal Svizzer pudì curreger la sballantscha finanziala dals davos onns.
