Siglir tar il cuntegn

Header

cuntegn

Retschertga consultativa Vischnancas dals lais sustegnan collavuraziun pli stretga

En ina retschertga consultativa ha la populaziun pudì s'exprimer davart ina fusiun u ina collavuraziun pli stretga tranter las vischnancas da Segl, Silvaplauna e San Murezzan.

Las trais vischnancas en Engiadin’Ota –Segl, Silvaplauna e San Murezzan – sustegnan il plan da collavurar pli stretg. Quai giavischa ina maioritad da 47% da las abitantas e dals abitants, sco i resulta d’ina retschertga consultativa ch’è vegnida fatga quest december. Per ina fusiun da las trais vischnancas èn 22% s’exprimids. 16% giavischassan ina fusiun da l'entira Engiadin'Ota e 13% da restar tar il status quo.

L'enquista

Avrir la box Serrar la box

Tenor ils resultats intermediars èn 836 persunas sa participadas a la retschertga. Quella han las vischnancas instradà en collavuraziun cun la Scola auta spezialisada FHGR.

La gruppa da lavur survegnia l'entschatta da l'onn ils resultats definitivs cun tuttas respostas.

En tuttas parts dumandadas vegn sustegnì d'ina maioritad ina collavuraziun pli stretga. Uschia per exempel tar la polizia da vischnanca, ils pumpiers, tar la selvicultura ed er tar il provediment d'energia. Tar la scola èsi be ina minoritad che vul ina collavuraziun pli stretga. 67% èn da l'avis ch'il status quo duai restar.

audio
Per tadlar curt e cumpact
ord RTR Audio dals 27.12.2021.
laschar ir. Durada: 1 minuta 4 Secundas.

Recumandaziun da la gruppa da lavur

La gruppa da lavur, che è vegnida accumpagnada da la Scola auta spezialisada FHGR propona, in basa da questa retschertga consultativa, a las suprastanzas communalas da proseguir cun ina collavuraziun pli stretga en las spartas forestal, energia, polizia e pumpiers. Plinavant propona la gruppa da lavur d’examinar bainprest era ina collavuraziun stretga en il servetsch tecnic.

La gruppa da lavur e persvasa che ina collavuraziun da las trais vischnancas stoppia vegnir pli effizienta per accumplir tut las lavurs communalas.

RTR novitads 10:00

Artitgels legids il pli savens

Scrollar a sanestra Scrollar a dretga