Mesemna è la nova Uniun Engiadina Plaiv Turissem vegnida fundada a la radunanza constitutiva. Tras l’uniun speran las vischnancas da meglierar ed adattar las structuras existentas da las trais vischnancas, quai cunzunt en la sparta digitala e tar la vendita da products. President da l’uniun daventa Duri Campell, l’anteriur president da S-chanf e politicher da l’Allianza dal Center.
Idea betg nova
Las vischnancas da la regiun «La Plaiv» enconuschevan gia ina collavuraziun sin il palc turistic fin avant 10 onns. Quai cun l’organisaziun turistica la Plaiv, curt «TOP Engiadina», nua che La Punt Chamues-ch fascheva er part. Uss na vul la vischnanca betg sa participar ad ina collavuraziun cun las autras trais vischnancas. La Punt s’orienteschia pli ferm vers San Murezzan, uschia il tenor.
