Sch’i va per il bainstar dals seniors da las vischnancas Segl, Silvaplauna e San Murezzan, è oz in di istoric. Oz è numnadamain stada l'emprima badigliada per il nov center da tgira Du Lac a San Murezzan Bagn.
audio
San Murezzan: badigliada per center d'attempadAs Du Lac
ord Actualitad dals 06.04.2021.
laschar ir. Durada: 2 minutas 35 Secundas.
50 milliuns francs
Il center da tgira che duai vegnir construì sur quatter auzadas prevesa 60 letgs, 17 abitaziuns per seniors, ina staziun per demenza ed in parcadi public sutterran. Ils custs totals da var 50 milliuns francs vegnan repartids tranter las trais vischnancas Segl, Silvaplauna e San Murezzan.
Segunda chasa da tgira en Engiadin’Ota
Cun la chasa da tgira Du Lac datti en avegnir duas chasas da tgira en Engiadin’Ota. Per ils attempads da las vischnancas da Puntraschigna fin a S-chanf resta numnadamain vinavant la chasa da tgira Promulins a Samedan.
